मुक्तक

 मन जलेर खरानी भो न्याय चाहियो ।।

आफ्नै मुटु बिरानी भो न्याय चाहियो ।।

बन्धकी भो जिन्दगानी ,खुशी तमसुक,

परेलीमा सुनामी भो न्याय  चाहियो  ।।

*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣

तिम्रो त्यो न्यानो काखमा निदाउँने भाग्यमानी ।।

सामिप्यमा राखि तिमीलाई चिहाउँने भाग्यमानी ।।

भाग्यमानी तिमीले सिन्दुर भर्ने त्यो सिउँदो ,

तिम्रो   मुटु   सङ्ग   मुटु  मिलाउने  भाग्यमानी ।।।।

*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣

आज पनि तिम्रो नाम जप्दै रुन्छे तिम्रो काली!!

आउँछौ भनि सपनामा कुर्दै हुन्छे तिम्रो काली!!

फेरिएको परिवेशमा जिउने झिनो  प्रयास गर्दै ,

अर्को  जन्म संगै  हुने आशा बुन्छे तिम्रो काली!!

*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣

तिमीले  दिएको प्रभा मन पराए!!

नसकेरै  भुल्न  तिम्रो  यादमा हराए!!

तिमी अब निसाभित्रै समेटिन थालेपछि,

सम्हालेर मन आफ्नो भाग्यमै रमाए!!!

*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣

भजेर रातदिन गुनासो किन!!

ए! मन यति धेरै चासो किन !!

भरेर घैलो यादको फेरि,

नयनमा आँसुको नासो किन!!

*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣

बसेको नयनमा तस्बिर फेरिने भए!!

हरपल यादको जञ्जिर फेरिने भए!!

कुनै धर्म ,कुन मन्दिर कहाँ छोड्थे होला र?

मन्दिर गएर तक्दिर फेरिने भए !!

*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣

दिनरात अँध्यारो होला त्यति न हो!!!

तिमी बिना गाह्रो होला त्यति न हो!!!

मरि हाल्ने त होइन होला तिमी नबोले,

आँखामा आँसु प्यारो होला त्यति न हो!!