सम्झना


            

दराजको कुनामा एउटा मैलो किताब छ। फोटोकपी गरेर बनाइएको ।बाहिरी कभरमा विभिन्न साहित्यकारहरु सङ्गै छेउमा मेरो तस्बिर टाँसिएको । भित्री पानाहरुमा धेरै कुरा लेखिएको थियो ।जिन्दगीका रङहरु पोतिएका थिए।अधुरा कहानी सङ्गै आशाको किरणहरु दूर दूर क्षितिजमा सलबलाई रहेका।

 अहिले फुङ्ग उडेका छन् सबै । भित्र  फेरि कोरा बनेको छ।सायद अरु धेरै कुराहरु लेखिनु पर्ने छ।कहिलेकाही अत्यासले मन जल्दा दराज खोल्छु र हेर्छु ।आँखाभरि नाचिरहने उहीँ सपना कल्पना बन्छ। पल्याक पुलुक दायाँबायाँ हेरेर आँखाका आँसु पुछ्छु।अब मुस्कान बाध्यता बनेको छ र आँसु जिन्दगी।

मनले हँसाउन सक्छ,रुवाउन सक्छ,दुखाउन सक्छ र सम्हाल्न पनि यहि मनले सक्दो रहेछ।मन सम्हाल्नु पर्ने ,मन फुलाउनु पर्ने ,मनले कल्पना र सपना बुन्नु पर्ने ।आशामा जीवन डोर्‍याउनु र भविष्यको प्रतीक्षा गर्नु बाहेक  हाम्रो विकल्प केही नहुँदो रहेछ। भविष्य वर्तमान भएर उभिदिने  समस्याले हामी नाजुक भै सकेका हुन्छौ।कल्पना सधैं भविष्य हुन्छ र यथार्थ हाम्रो वर्तमान ।हामीलाई कल्पना मीठो लाग्छ र भविष्य सुन्दर ।

मनको बलेसीमा बगेका यी वेदनाहरु सम्हाल्नु पर्ने छ।टुटेको आत्मा,रुझेको नयन,दुखेको छाती,फुटेको 

मुटुबाट निस्केको दुई शब्द उनकै सम्झनामा कोरेको छु।केही राहतको लागि ,केही सन्तुष्टिको लागि र केही मन बुझाउने बहानाको लागि ।।।।।।।

Comments

Post a Comment

Popular posts from this blog

गजल

तिम्रो सम्झनाले सताउँछ रातभर!! झस्काएर सपनिले अताउँछ रातभर!! सोध्छौ भने सोधि हेर के छ हालखबर  भिजेको शिरानिले बताउँछ रातभर!! मैलेपनि बिर्सिदिन्छु अब बिर्सनेलाई झन बिर्सने कै याद आउँछ रातभर!! एक यो  आशा छ मन भरि चुलिरहने एक यो चाहाना ले जगाउँछ रातभर!! *️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣*️⃣ घरिघरि यस्तो लाग्छ मैले प्रेम दिएर गल्ती गरे मेरो खुशी उसको हातमा सुम्पिएर गल्ती गरे सुरु सुरुमा दुई मुटु एक प्राण भनेर जताइय‍ो, उस लाई भर्ने चाहाना मा रित्तिएर गल्ती गरे एक घाउ तिमीले दियौ, मलम मृत्युले दिनेछ तिमी घाउ तिमी नै मलम सम्झिएर गल्ती गरे आशाहरु सजाएछु मन संग खेल्ने संग  प्रेम मैदान हो उ खेलाडी  बिर्सिएर गल्ती गरे के होला हाम्रो सम्बन्ध यदि म नै थाके भने म तिम्रो प्रेममा यसरी एकोहोरिएर गल्ती गरे
Read more

महसुुस !

Image
एक तिमी हुनु मा नै  कति खास लाग्छ जिन्दगी  तिम्रो एक  मुस्कानमा  सारा खुशी महसुस हुन्छ, तिमी रिसायौ जस्तो लाग्दा मात्रै पनि  उदास लाग्छ दुनियाँ  तिमी साथ हुदा  रोशनी छ जिन्दगीमा   तिमी  बिनाको संसार  अन्धकार । तिम्रै लागि लडिरहेछ हृदय मस्तिष्कसंग, ओठ मुस्कुराउँछ नयन चम्किन्छ बतासमा सुगन्ध फैलन्छ तिमी हरबखत घुमिरन्छौ मथिङ्गलमा धड्किन्छ मुटु तिम्रो उपस्थिति को कल्पनाले......!
Read more

भो दुख्न देऊ !(गजल)

Image
भो नलगाउ मलम दुख्छ घाउ दुख्न देऊ !! भाला रोपेको पुरानो त्यो ठाउँ दुख्न देऊ !! तिमी त खुशी भाकल गरेर हिडेको मान्छे , रमाऊ उता शहरमा दुख्छ गाउँ दुख्न देऊ !! भन्छौअरे हिम्मत जुटाऊ खुशी फुल्नु पर्छ अब, मन दुखेको छ,अचेल नसम्झाऊ दुख्न देऊ !! खुशी त म नि छैन, तिमी सङ्ग छुट्टिएर भन्छौं  भो अब सान्त्वना मलाई नलाऊ दुख्न देऊ !!
Read more