ताला र चाबि
थाहा छैन
मेरो मनको कुनामा
बर्षौ देखि
प्रेमले थुनिएका
भावनाका कति ढोका र
तिनका कति ताला
लुकेका छन् ।
म खोज्दै छु ।
धैर्यको चाबी
सायद कुनै न कुनै दिन
भेटिने छ
तिम्रो मन भित्र
मेरो प्रेमको चाबि र
मिठा शब्दले
खोलोस् यी ढोकाहरू!
"म महिला "
म महिला भएकै कारण ले जीवनका रङ्गहरु माइतीघरमा समर्पण गरे, म महिला भएकै कारणले जीवनको भबिस्यहरु कर्मघरमा त्याग गरे, म महिला भएको कारणले हरेक लाञ्छनाको भागेदारी भोगिरहे । म हेपिए, म दबिए, म खुम्चिए कारण म महिला हुँ । एउटा पुरुषको शृङ्गारिक बस्तु, ईच्छा पूर्तिको साधन, घरको शोभा, मैले ईच्छा सजाउनु हुन्न, मैले रहर पलाउनुु हुन्न, कारण म महिला हुँ ।।।
👌 उत्कृष्ट छ कविता। निरन्तर लेख्दै होला
ReplyDelete